|
| 昨天早上數個報社上來我們住的大廈採訪，
告知這意外慘劇。覺得十分不真實。
學校辦公室的回覆也只是事實的多一次敘述而已。
黃Sir是一個十分勤力和孝順的人。
雖住對面單位，經常聽到的卻只是他早出及晚歸的關門聲、腳步聲。
當時在教我們高考班純數的時候，同時也努力地攻讀著精算碩士。
黃老媽媽也經常讚賞這位兒子，給與了厚厚的寄望。
作為老師，他盡責、慷慨和善、有才幹。
年輕的科主任不常見，多次帶領學生奪標於全港校際象棋賽，另一方面培養橋牌高手的，更難見。
數次詢問他學業、前途等問題的時候，他唯恐不能給予我最全面的解說。
平時他會送一些書給我；最後一次回觀瑪，他對我說："我搬了二三百本數學書在教員室，需要就隨便拿去。"
那親切的濃厚的福建口音，那長年掛於面龐和善的笑容，伴隨著太早花白的頭髮，隨風而去了。
留下了堅強的妻子，以及幼小的囡囡仔仔。
Miss Leung告訴我，學校方面正在嘗試接受這個沉痛的消息。
星期五會先有教職員的追悼會。
至於往後的安排，要留意學校的網頁。
作為學生的，能夠做的不多，也盡心盡力吧。
| | |
| 以上告一段落, 已搬往uotiuhskcaj, 再見.
| | |
| 想寫多d野,
諗下先,
有咩好寫.
寫咩好呢?
好啦, 聽日冇野做, 去圖書館.
不過之前講過, 宜家太濕熱人太多, 令我頭重重,
唔知睇唔睇得入腦
都係大考期間好,
腦容量會大幅提升,
每次容納到數本書及上十部電影
亦都想游水,
去完圖書館去游水好唔好呢?
但係一返到香港屋企就成個人懶左,
諗起去觀塘泳池要行幾十級樓梯, 過幾條馬路,
就覺得好攰,
都係旅行好,
就好似係體力意志上嘅大考,
瞓街捱餓行十個鐘都冇問題,
睇怕要早d再出發先
同梁家豪講: 可能時候一到, 就帶幾個錢揹幾件衫出發
同瘦生講: 我諗我會用金錢填滿空閒
| | |
| 話說初到米國時,
介紹自己都用英文化名Jack,
取其"杰"克之音.
但見日本韓國人都用本名之譯音,
我亦改做不列顛譯音"Ka Kit".
但呢兩個音對外國人黎講有d難度.
首先, 佢地會誤以為係一個字,
跟住, 佢地好難記得三個破音嘅名,
同埋, Kit Kat對佢地黎講好似好味d,
另外, Car Kit好似實用d,
最後,
有位內地同胞嘅演繹最傳神,
個名係"Cocky", 意為驕傲自大,
既音近又道出我性格,
妙!
(註: 美語讀音為 /卡ki/)
好啦, 以後我就用呢個米國化名: Cocky啦,
當中所蘊藏嘅意思真係十分豐富.
另, 突然諗起呢個名同我前女友嘅名有d近似,
但我冇咁嘅意思, 唔好誤會.
| | |
| 今朝返左觀瑪.
出奇地,
我之前唔鐘意, 甚至乎好討厭嘅中學,
宜家竟然覺得都唔錯, 好可愛(lovable)
或者外面嘅世界實在太邪惡喇,
相較之下一直以來所長大嘅環境可愛得多
香港比較簡單,
觀瑪更加純樸
小圖書館內一排排熟悉書脊,
校門口掛滿手球大細柚子,
樹上所餘無幾兩三串芒果,
純品嘅師弟們,
形象各異十年不變嘅先生, ... ...
Miss Leung所講好易教嘅"屋邨中學"
唔錯
| | |
|
|
